உடல் சூட்டைத் தணித்து குளிர்ச்சியையும் கொடுக்கும் உன்னதமான கஞ்சி

இன்றைய காய்கறி மருத்துவ சிந்தனை

காயமே (உடலே) மருத்துவர் !!
                    காய்கறிகளே மருந்து !!!

உணவை மருந்தாக்கு !!
            மருந்தை உணவாக்காதே !!!

கீரைகள்  " நடமாடும் சித்தர்கள் "


தலைப்பு   : இளைத்த உடலை பெருக்கவும் , கபத்தை கரைக்கவும் மற்றும் உடல் சூட்டைத் தணித்து குளிர்ச்சியையும் கொடுக்கும் உன்னதமான கஞ்சி
----------------------------------------------

பாதாம் பருப்பு பச்சரிசிக் கஞ்சி
---------------------------------------------------

தேவையான பொருட்கள்
---------------------------------------------
பச்சரிசி நொய்.             -  250 கிராம்

பாதாம் பருப்பு.               -    30  கிராம்

சுரைக்காய் விதை.       -   20 கிராம்

வெள்ளரி விதை.          -    20 கிராம்

கசகசா.                           -    10 கிராம்

தேங்காய் துருவல்.      -   50 கிராம்

சீரகம்.                             -  ஒரு தேக்கரண்டி

பூண்டு.                            -   6 பல்

உப்பு.                     -  தேவையான அளவு

செய்முறை
-------------------------------------
முதலில் ஒரு பாத்திரத்தில் தேவையான அளவு தண்ணீர் ஊற்றவும்.

அதில் பச்சரிசி நொய்யை சேர்த்து நன்கு  கொதிக்க வைக்கவும்.

தேங்காய் துருவல் , கசகசா , பூண்டு இவை மூன்றையும் ஒன்றாக அரைத்துக் கொள்ளவும்.

பச்சரிசி நொய் நன்கு வெந்தவுடன் அதில் அரைத்து வைத்துள்ள விழுதை சேர்த்து  மற்றும் இதனுடன் பாதாம் பருப்பு , சுரைக்காய், வெள்ளரி விதை  மற்றும் சீரகம் ஆகியவற்றைச் சேர்த்து நன்கு கிளறி  கஞ்சி பதம் வந்தவுடன் இறக்கி வைத்து இளம் சூட்டில் பருக வேண்டும்.

பயன்கள்
--------------------
இந்த கஞ்சியை உடல் இளைத்தவர்கள் குடித்து வந்தால் உடல் பருக்கும்.

உடல் சூடு தணித்து குளிர்ச்சியை உண்டாக்கும்.

நெஞ்சில் உள்ள கபத்தைக் கரைக்கும் மற்றும் இருமலுக்கு அருமருந்தாகும்.

படுக்கப் போகும் முன்
---------------------------------------------------
வெற்றிலை (2), மிளகு(2) , உலர் திராட்சை (5) இவை மூன்றையும் சேர்த்து  தினமும் படுக்கப்போகும் முன்  வாயில் போட்டு மென்று தின்று முழுங்கவும்.

குறிப்பு
----------------------------------------
அனைத்து காய்களையும் , கீரைகளையும் நீராவியில் வேகவைத்து   உணவாக சாப்பிட்டு வரவும்.

பச்சை மிளகாய்க்கு மாற்றாக  இஞ்சியையும்

வர மிளகாய்க்கு மாற்றாக  மிளகையும்
பயன்படுத்தவும்.

நன்றி ,
கோவை பாலா ,

இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.